Myn namme is Martin Boomsma, ik bin 52 jier en wenje mei in soad nocht yn it moaie Bakkefean. Ik bin berne yn It Hearrenfean en haw myn jeugd trochbrocht yn De Gordyk. Myn hiele libben bin ik ferbûn west mei de gemeente Opsterlân; ik haw yn ferskate doarpen wenne en fiel my hjir hielendal thús.
It grutste part fan myn wurkjende libben haw ik yn ’e horeca sitten, mear as fyftjin jier dêrfan as eigener fan in horekabedriuw. De ôfwikseling yn it fak en it kontakt mei minsken jouwe my altyd in soad enerzjy.
Bûten myn wurk bin ik in grut natuerleafhawwer. Yn myn frije tiid bin ik faak bûten te finen, mei ferrekiker en fototastel, op syk nei de protte fûgelsoarten dy’t ús omjouwing ryk is. Tsjintwurdich wurkje ik as medisinenbesoarger by Pharmium Apotekers, in funksje dêr’t ik wer in soad kontakt haw mei minsken yn ús mienskip.
Ik bin tige behelle mei ús leefomjouwing. In plak dêr’t wy mei-inoar noflik wenje en wurkje kinne, freget om in goede balâns tusken minske en natuer. De komst fan de Lelyline kin soargje foar in tanimmend tal minsken, wat ekstra druk lizze kin op ús kwetsbere, rurale omjouwing. Dêrom fyn ik it wichtich dat wy foarsichtich en mei omtinken omgeane mei de takomst fan ús gebiet.